|
Presse aktuell 2010
|
BZ vom 8.5.10
Lueginsland
Salli Herr
Hebel!
Ihr Gedicht "Die Vergänglichkeit" nimm i grad
jede Dag in d Hand. Sie losse um 1800 vor sellem
zemmekeite Röttler Schloss de Bueb dra denke, "öb
s üüsem Hus echt au emool so goht? Stoht s denn
nit dört so schuudrig wie der Tod im Basler
Totetanz? Es gruuset aim, wie länger as me s
bschaut" .
Wenn de Kevin im ufgmotzte GTI mi uf de A 98
mitnimmt un i debei uf s Röttler Schloss guck un
ufsag "es gruuset aim, wie länger as me s
bschaut" , meint er: "Mi gruust gar nix" . Er
setzt de Blinker, dabbt uf s Gas un überholt. S
Rothus vo Lörrach kommt mer do in Blick, hoch un
feschd un glatt.
"Un wemme nootno gar zweituusig zehlt, isch
alles zemmekeit". So pünktlich isch s nit komme.
Basel isch immer no "e schöni tolli Stadt" un d
Stund, wo "Basel au ins Grab" goht, het no nit
gschlage. "Im Chrützgang hinterm Münsterplatz"
hen scho mol de Bettina Eichin ihri zwei
bronzene Marktständ Asyl gfunde. Uf de
Tischplatt vom eine isch Ihr Gedicht usbreitet.
D Chemie-Katastroph in Schweizerhalle 1986 isch
de Anlass. Uf de Trommel, wo denebe steht, liegt
no e Dodeschädel-Mask.
Wo i ebberem abote hab, Ihr Gedicht zum
Geburtsdag z lese, het er gmeint, "d
Vergänglichkeit" däd em do jetz nit so basse.
Werter Herr Hebel, weil mer jetz scho Ihre
Zweihundertfufzigschde feiere, bin i so frei, s
Ihne zum Geburtsdag z lese. Un na simmer wieder
fröhlich un singe mit em Uli Führe "e schönes
Fescht mit viele Gäst & " Salli Herr Hebel.
Martin Schley
|
|
|
|